Metro Bilbaoren sareak Bilboko trenbide metropolitarra eta Bilbo Handiranzko distantzia laburreko hiri arteko zerbitzua hartzen ditu. Eremu metropolitar hori Bilboko itsasadarraren bi ertzetan zehar zabaltzen da, eta, gutxi gorabehera, milioi bat biztanle pilatzera iristen da.
“Y” itxura duen trazatua du, itsasadarraren bi ertzetatik doazen bi linearekin; horiek Bilbo hegoalderaino iristen den trazatu komun batekin bat egiten dute. Guztira, metroak 40,61 km-ko luzerako trazadura du (2009. urtean), 38 geltokirekin guztira. Horietatik 22 lurpekoak dira eta 16 gainazalekoak.
Bilboko metroaren azpiegitura lanak gauzatzea Eusko Jaurlaritzaren eskumena da, eta hori Etxebizitza, Herri Lan eta Garraio Sailaren eta Euskal Trenbide Sarea (ETS) sozietate publikoaren bitartez egiten du.
Egitura eskergen lanak eta material mugikorra jartzea Bizkaiko Garraio Partzuergoaren (BGP aurrerantzean) eskumena da. “Bilboko Trenbide Metropolitarra” izeneko garraio publikoko zerbitzuaren kudeaketa zuzena eta ustiapena BGPk egiten du ere. Azken xede horretarako, Metro Bilbao SA enpresa sortu zen.