JARDUERAK

Gutxiengoak Espainian: Nazio Batuetako errelatorearen ondorioak

29/01/2019

Errelatorea bisitan izan da Espainian, eta, beste erakunde batzuen artean, Arartekoarekin bildu da, helburu honekin: "nazio-, etnia-, erlijio- edo hizkuntza-gutxiengoetako kideen eskubideak babestu eta sustatzeko indarrean dauden politikak eta jarduerak astiroago aztertzea". Giza eskubideen arloan egin diren aurrerapen mesedegarriak nabarmendu ditu errelatoreak, baina, era berean, zenbait hobekuntza iradoki ditu ijitoen komunitatearen, hizkuntza-gutxiengoen eta gorren komunitatearen inguruan. Iturria: Giza Eskubideen aldeko Nazio Batuen Goi-komisarioa

Europan gizarte zibila indartzeko gomendioa

17/12/2018

Gomendio hori Ministroen Batzordeak egin du, 2018ko azaroaren 28an. Europako Kontseiluak hauxe eskatu die estatu kideei: lege-esparru bat ziurta dezatela, eta inguru egokia ere bai, gizarte zibilak askatasunez zenbait jarduera egin ditzan, giza eskubideen alde borrokatzeko. Era berean, gizarte zibilari eskatu dio gomendio hori itzuli eta ikuska dezaten galdegin diezaiela nazioetako gobernuei. Iturria: Europako Kontseilua

Migraziorako Munduko Ituna

17/12/2018

150 herrialdek baino gehiagok onartu dute Migraziorako Munduko Ituna, Marokoko goi bilerako osoko bilkuran. NBEko idazkari nagusiak egin du buru, eta mezu bat bidali die ituna sinatu ez duten herrialdeei: zehazki, gogorarazi die ez dela hitzarmen bat eta juridikoki ez dela loteslea. Iturria: Nazio Batuak
RSS
Bikaintasunarekin konpromisoa - Compromiso con la excelencia
sello accesibilidad   sello accesibilidad